హెర్బల్ షాంపూలానే తలకు రాసుకునే నూనె కూడా మందారపువ్వులు,కరివేపాకు,గోరింటాకులతో తయారుచేసుకోవచ్చు.ఇవేవీ అందుబాటులో లేనప్పుడు ఉట్టి కరివేపాకుతో అయినా చేసుకోవచ్చు.నాకు తెలిసిన ఒకరిని నా చిన్నప్పటినుండి చూస్తున్నా.ఆవిడ బద్దకించకుండా ప్రతివారం కరివేపాకులతో నూనె కాచుకుని తలకు రాసుకుంటుంది.దాదాపు 45 యేళ్ళ పైన వయసున్నప్పటికీ ఆవిడకు ఇప్పటికీ వెంట్రులకు తెల్లబడలేదు.
మనమేమో వాళ్ళను,వీళ్ళను చూసి తలకి నూనె రాసుకుంటే జుట్టు రాలుతుందన్న అపోహలో నూనె రాసుకోవడం మానేసాం.ఇప్పుడేమో విదేశీ కంపెనీలు నూనె రాసుకోవడం మంచిది, మా మందార నూనె వాడండి, మీ జుట్టుకి చాలా మంచిది అని మనకు అమ్మడానికి ప్రయత్నిస్తున్నారు.
మందారపువ్వులు ఎండువైనా,తాజావైనా వాడుకోవచ్చు.మందారపువ్వులు,కరివేపాకు,గోరింటాకు కడిగి తడి లేకుండా కొద్ది సేపు ఆరబెట్టాలి.
తడి ఆరిన తర్వాత ఒక పాత్రలోకి తీసుకుని ఇవన్నీ మునిగే వరకు కొబ్బరినూనె పోసి సన్న సెగ మీద మరిగించాలి.
బాగా చల్లారిన తర్వాత వడకట్టి సీసాలో పోసుకుని ఉంచుకోవచ్చు.
Hmm, naku okkadanike oil rasukunte juttu oodutadi anukunna, andarikina
ఆయిల్ రాసుకుంటే జుట్టు ఊడడం అన్నది అపోహే అని నేను అనుకుంటున్నా మరి.